Samsung: இந்திய சந்தையில் அறிமுகப்படுத்தப்பட்ட புதிய Galaxy M06 5G, M16 5G ஸ்மார்ட்போன்கள்!

முன்னணி ஸ்மார்ட்போன் பிராண்டான சாம்சங் (Samsung), இந்திய சந்தையில் அதன் புதிய M-Series மாடல்களை அறிமுகப்படுத்தியுள்ளது.

சாம்சங் நிறுவனம் MediaTek Dimensity 6300 சிப்கள் பொருத்தப்பட்ட Galaxy M06 5G மற்றும் Galaxy M16 5G ஸ்மார்ட்போன்களை அறிமுகப்படுத்தியுள்ளது.

அவற்றில், M06 5G ஸ்மார்ட்போன் 4GB மற்றும் 6GB RAM உடன் இரண்டு வகைகளில் வருகிறது, இதன் விலை ரூ.9,999, ரூ.11,499 என நிர்ணயித்துள்ளதாக தெரிவித்துள்ளது. இரண்டுமே 128 ஜிபி சேமிப்பகத்துடன் வருகின்றன. இந்த அறிமுகச் சலுகையின் கீழ், இந்த போன்களை வாங்கும்போது ரூ. 1000 தள்ளுபடி கிடைக்கும். 500 கேஷ்பேக் சலுகை கிடைக்கும். இந்த ஸ்மார்ட்போன் மார்ச் 7 முதல் இ-காமர்ஸ் தளமான அமேசானில் விற்பனைக்குக் கிடைக்கும்.

M16 5G ஸ்மார்ட்போன் மூன்று வகைகளில் கொண்டு வருகிறது. 4 ஜிபி ரேம் கொண்ட வேரியண்டின் விலை ரூ.12,499, 6 ஜிபி வேரியண்டின் விலை ரூ.13,999, 8 ஜிபி வேரியண்டின் விலை ரூ.15,499 ஆகும். மூன்று வகைகளும் 128 ஜிபி சேமிப்பகத்துடன் கிடைக்கின்றன. அறிமுகச் சலுகையின் கீழ், ரூ.1,000 கேஷ்பேக்கை நிறுவனம் வழங்குகிறது.

இந்த ஸ்மார்ட்போன் மார்ச் 5 முதல் அமேசானில் விற்பனைக்கு வருகிறது. அம்சங்களைப் பொறுத்தவரை, நிறுவனம் 25 வாட்ஸ் வேகமான வயர்டு சார்ஜிங்கை ஆதரிக்கும் என்றும், 50MP முதன்மை கேமரா, செல்ஃபிகள் மற்றும் வீடியோ அழைப்புகளுக்கான 8MP கேமராவுடன் வரும் என்றும் தெரிவித்துள்ளது.