கிளவுட்ஃப்ளேரில் கோளாறு.. எக்ஸ், ஓபன் ஏஐ உள்ளிட்ட நிறுவனங்களின் சேவைகளில் தடங்கல்..!

கிளவுட் மற்றும் சிடிஎன் சேவைகளை வழங்கும் கிளவுட்ஃப்ளேரில் ஏற்பட்ட சிக்கல்கள் காரணமாக, எக்ஸ் மற்றும் ஓபன் ஏஐ நிறுவனங்களின் சேவைகளில் தடங்கல் ஏற்பட்டுள்ளது.

இதனால் ஆயிரக்கணக்கான பயனர்கள் அந்தந்த வலைத்தளங்களைத் திறக்கும்போது ‘500 Server Error’ பெறுவதாக பிற சமூக ஊடக தளங்களில் பதிவிட்டு வருகின்றனர். இதனுடன், பேபால் மற்றும் உபர் போன்ற சேவைகளும் சரியாக வேலை செய்யவில்லை என்று கூறப்படுகிறது.

இந்த சேவைகளில் தடங்கல் இந்திய நேரப்படி மாலை 4.37 மணிக்கு தொடங்கியது. இன்னும் சிக்கல் தொடர்கிறது. மறுபுறம், கிளவுட்ஃப்ளேர் குழு இந்த விஷயத்தில் பதிலளித்து, சிக்கலைத் தீர்க்கும் பணியில் ஈடுபட்டுள்ளதாகக் கூறியுள்ளது.