ஸ்டாலின் தலைமையில் இன்று மாவட்ட செயலாளர்கள் கூட்டம்!

சென்னை: தமிழக சட்டப்பேரவைத் தேர்தல் நெருங்கி வரும் சூழலில், திமுக தலைவர் மு.க. ஸ்டாலின் தலைமையில் இன்று மாலை 6:30 மணிக்கு மாவட்டச் செயலாளர்கள் கூட்டம் காணொளி வாயிலாக நடைபெறுகிறது.

கட்சியின் பொதுச்செயலாளர் துரைமுருகன் வெளியிட்டுள்ள இந்த அறிவிப்பின்படி, தேர்தல் களப்பணிகளை முடுக்கிவிடுவது குறித்து இக்கூட்டத்தில் விரிவாக ஆலோசிக்கப்பட உள்ளது.

குறிப்பாக, பூத் கமிட்டி அமைத்தல் மற்றும் அரசின் சாதனைத் திட்டங்களை மக்களிடம் கொண்டு சேர்ப்பது போன்ற முக்கிய விவகாரங்கள் குறித்து மாவட்ட நிர்வாகிகளுக்கு முதல்வர் அறிவுறுத்தல்களை வழங்க உள்ளார்.

தேர்தல் களம் சூடுபிடித்துள்ள நிலையில், திமுக-வின் இந்த அவசர ஆலோசனை கூட்டம் தமிழக அரசியல் வட்டாரத்தில் மிகுந்த எதிர்பார்ப்பை ஏற்படுத்தியுள்ளது.