ஆதார் அட்டையில் பிறந்த தேதி தவறாக உள்ளதா? இப்படி மாற்றுங்கள்!!
நாட்டில் பிறந்தது முதல் முதுமை வரை அனைவருக்கும் ஆதார் அட்டை கட்டாயத் தேவையாகிவிட்டது. புதிய சிம் வாங்குவது முதல் வங்கி கணக்கு தொடங்குவது வரை அனைத்திற்கும் ஆதாரை காட்ட வேண்டும். மேலும் இவ்வளவு முக்கிய ஆவணத்தில் தவறுகள் இருந்தால்.. இந்திய தனித்துவ அடையாள ஆணையம் (UIDAI) இதை ஒருமுறை அல்லது இரண்டு முறை மாற்ற அனுமதிக்கிறது. இதன்படி பெயர், முகவரி, பிறந்த தேதி, பாலினம், உள்ளிட்ட விவரங்களை மாற்ற அனுமதிக்கிறது. பிறந்த தேதியில் பிழைகள் இருந்தால், பிறந்த தேதியை தகுந்த அடையாள ஆவணத்துடன் சரி செய்து கொள்ளலாம். இதற்கு, பான் கார்டு, பிறப்பு சான்றிதழ், பாஸ்போர்ட், வங்கி பாஸ் புத்தகம், பத்தாம் வகுப்பு மதிப்பெண் சான்றிதழ் ஆகியவற்றில் ஏதேனும் ஒன்றை ஆதாரமாக காட்டி பிறந்த தேதியை மாற்றிக்கொள்ளலாம். இருப்பினும், இந்த செயல்முறையை ஆதார் மையத்திலேயே செய்ய முடியும். இதற்கிடையில், ஆதார் அட்டை தொடர்பான பிரச்சனைகளை தீர்க்க UIDAI ஒரு சிறப்பு ஹெல்ப்லைன் எண்ணை 1947 அமைத்துள்ளது.
எப்படி மாற்றுவது..
- அருகிலுள்ள ஆதார் பதிவு மையத்திற்குச் சென்று திருத்தப் படிவத்தை நிரப்பவும்.
- பிறந்த தேதியில் செய்ய வேண்டிய மாற்றங்கள் குறித்த ஆதார ஆவணம் இணைக்கப்பட வேண்டும்.
- ரூ.50 கட்டணம் செலுத்தி பயோமெட்ரிக் விவரங்களை அளித்தால் போதுமானது.
- ஆவண சரிபார்ப்பு முடிந்ததும் உங்கள் ஆதார் அட்டையில் பிறந்த தேதி புதுப்பிக்கப்படும்.
- பின்னர் புதுப்பிக்கப்பட்ட ஆதார் அட்டையை ஆன்லைனில் பதிவிறக்கம் செய்யலாம்.