நமது அன்றாட சமையலில் கறிவேப்பிலை என்பது பிரிக்க முடியாத ஒரு இன்றியமையாத பொருளாகும். சாம்பார், ரசம், பொரியல் என எந்த உணவாக இருந்தாலும் அதில் கறிவேப்பிலை தூவப்பட்டிருக்கும். ஆனால், நம்மில் பெரும்பாலானோர் உணவு சாப்பிடும்போது, தட்டில் இருக்கும் கறிவேப்பிலையைத் தேடிப்பிடித்துத் தூக்கி எறிவதை ஒரு வழக்கமாகவே வைத்துள்ளோம். “வெறும் கறிவேப்பிலை தானே” என்று நாம் மிக எளிதாகக் கடந்து போகும் இந்த இலைகளுக்குள், உடலை ஆரோக்கியமாக வைக்கும் எண்ணற்ற மருத்துவக் குணங்கள் ஒளிந்திருக்கின்றன.
சமையலில் தினமும் பயன்படுத்தப்படும் கறிவேப்பிலையைத் தூக்கி எறியாமல், உணவுடன் சேர்த்து உட்கொள்வது ஒட்டுமொத்த உடல் ஆரோக்கியத்திற்கும் மிகச்சிறந்த நன்மைகளைத் தரும்.
கொட்டிக்கிடக்கும் ஊட்டச்சத்துக்கள்
மருத்துவ நிபுணர்களின் கூற்றுப்படி, கறிவேப்பிலையில் உடலுக்குத் தேவையான அத்தியாவசிய ஊட்டச்சத்துக்கள் மிக அதிக அளவில் நிறைந்துள்ளன.
குறிப்பாக,
வைட்டமின் ஏ: கண் பார்வையைத் தீர்க்கமாக்க உதவுகிறது.
வைட்டமின் சி: உடலின் நோய் எதிர்ப்பு ஆற்றலை பலப்படுத்துகிறது.
நாரச்சத்து: குடல் ஆரோக்கியத்தையும் செரிமானத்தையும் சீராக்குகிறது.
இவை தவிர, உடலுக்குத் தேவையான பல்வேறு தாதுக்களும், ஆன்டி-ஆக்ஸிடன்ட்களும் இதில் நிறைந்துள்ளன.
கறிவேப்பிலை தரும் முதன்மையான ஆரோக்கிய நன்மைகள்
செரிமான மேம்பாடு: உணவுடன் சேர்த்து கறிவேப்பிலையை மென்று உட்கொள்வது, உமிழ்நீர் மற்றும் செரிமான அமிலங்களின் சுரப்பைத் தூண்டுகிறது. இது அஜீரணக் கோளாறுகளை நீக்கி, செரிமான மண்டலத்தைச் சீராகச் செயல்பட வைக்கிறது.
நோய் எதிர்ப்பு சக்தி அதிகரிப்பு: கறிவேப்பிலையில் உள்ள வைட்டமின் சி மற்றும் இதர ஊட்டச்சத்துக்கள், உடலின் நோய் எதிர்ப்பு சக்தியை அபரிமிதமாக அதிகரிக்கின்றன. இது பருவகாலத் தொற்றுகள் மற்றும் நோய்களிலிருந்து உடலைப் பாதுகாக்கிறது.
கண் பார்வைத் திறன் மேம்பாடு: இதில் அதிக அளவில் நிறைந்துள்ள வைட்டமின் ஏ சத்தானது, மாலைக்கண் நோய் வராமல் தடுப்பதோடு, கண் பார்வத் திறனை கூர்மையாக்கவும் உதவுகிறது.
இரத்த சர்க்கரை கட்டுப்பாடு: நீரிழிவு (சர்க்கரை) நோயாளிகளுக்குக் கறிவேப்பிலை ஒரு சிறந்த மருந்தாகும். இது இரத்தத்தில் உள்ள சர்க்கரையின் அளவை இயற்கையாகவே கட்டுப்படுத்த உதவுகிறது