இந்திய ஆயுள் காப்பீட்டுக் கழகம் (LIC) காலியாக உள்ள 841 உதவி நிர்வாக அதிகாரி (AAO) மற்றும் உதவி பொறியாளர் (AE) பதவிகளுக்கான ஆட்சேர்ப்புக்கான அறிவிப்பை நிறுவனம் வெளியிட்டுள்ளது.
காலியிட விவரங்கள்:
உதவி பொறியாளர் – 81 பதவிகள்
உதவி நிர்வாக அதிகாரி – 760 பதவிகள்
கல்வித் தகுதி:
இந்த பதவிகளுக்கு விண்ணப்பதாரர்கள் அங்கீகரிக்கப்பட்ட பல்கலைக்கழகம்/நிறுவனத்தில் பதவிக்கு ஏற்ப இளங்கலை பட்டம் பெற்றிருக்க வேண்டும்.
வயது வரம்பு:
விண்ணப்பதாரர்கள் 21 வயது முதல் 30 வயதுக்குள் இருக்க வேண்டும். இடஒதுக்கீட்டின்படி, SC/ST விண்ணப்பதாரர்களுக்கு 5 ஆண்டுகள், OBC விண்ணப்பதாரர்களுக்கு 3 ஆண்டுகள், PWBD (பொது) விண்ணப்பதாரர்களுக்கு 10 ஆண்டுகள், வயது வரம்பில் தளர்வு உண்டு.
விண்ணப்ப கட்டணம்:
SC/ST/PwBD விண்ணப்பதாரர்கள் ரூ. 85 செலுத்த வேண்டும், மற்ற விண்ணப்பதாரர்கள் ரூ. 700 செலுத்த வேண்டும்.
தேர்வு செயல்முறை:
எல்.ஐ.சி ஆட்சேர்ப்பு தேர்வு செயல்முறை மூன்று நிலைகளைக் கொண்டுள்ளது. முதலாவது முதற்கட்டத் தேர்வு, இரண்டாவது பிரதானத் தேர்வு, கடைசியாக நேர்காணல். அதன் பிறகு, மருத்துவத் தேர்வு உள்ளது.
இதற்கான விண்ணப்ப செயல்முறை ஏற்கனவே தொடங்கிவிட்டது, கடைசி தேதி செப்டம்பர் 8 ஆகும். எனவே, ஆர்வமுள்ள மற்றும் தகுதியான விண்ணப்பதாரர்கள் licindia.in என்ற அதிகாரப்பூர்வ இணையதளம் மூலம் ஆன்லைனில் விண்ணப்பிக்கலாம்.
