Zee Entertainment Enterprise Limited (ZEEL) மற்றும் Sony Pictures Networks India (SPNI) இடையேயான இணைப்பு ஒப்பந்தம் ரத்து செய்யப்பட்டுள்ளது.
இரண்டு ஆண்டுகளாக ஊடகத்துறையில் பெரும் பரபரப்பை ஏற்படுத்திய இந்த ஒப்பந்தம் காலாவதியாகிவிட்டதாக சோனி குழுமம் கடிதம் அனுப்பியுள்ளதாக ப்ளூம்பெர்க் தெரிவித்துள்ளது. இத்துடன் சோனியின் இந்தியா யூனிட் மற்றும் ஜீ என்டர்டெயின்மென்ட் இடையேயான 10 பில்லியன் டாலர் ஒப்பந்தம் முடிவுக்கு வந்துள்ளது.
இது குறித்து சோனி நிறுவனம் இந்திய எக்ஸ்சேஞ்ச் நிறுவனத்துக்கும் தகவல் தெரிவித்துள்ளதாக தகவல் வெளியாகியுள்ளது. இணைப்பு ஒப்பந்தத்தில் உள்ள நிபந்தனைகளை நிறைவேற்றாததே ஒப்பந்தம் ரத்து செய்யப்பட்டதற்கு முக்கிய காரணம் என்று கூறப்படுகிறது.
கடந்த இரண்டு ஆண்டுகளாக, சோனி-ஜி இணைப்பு உலகின் ஜாம்பவான்களான அமேசான் மற்றும் நெட்ஃபிக்ஸ் ஆகியவற்றுக்கு கடுமையான போட்டியாக இருக்கும் என்று தொழில்துறை வட்டாரங்கள் கருதுகின்றன. ஆனால், அது நிறைவேறவில்லை. கடந்த ஆண்டு டிசம்பர் மாத இறுதியில் ஒப்பந்த காலக்கெடுவில் இரு தரப்பினராலும் நீட்டிக்கப்பட்ட 30 நாள் கால அவகாசமும் இம்மாதம் 20ஆம் தேதியுடன் முடிவடைந்தது.
