மாம்பழ ஐஸ்கிரீம் செய்யும் முறை

தேவையான பொருட்கள்:

பெரிய மாம்பழம் – 2
பால் – 1 கோப்பை
வெண்ணிலா ஐஸ்கிரீம் – 1 கோப்பை
ஜெல்லி – 2 மேஜைக் கரண்டி

செய்முறை:

முதலில் பாலை சுண்டக் காய்ச்சி குளிர வைக்கவும். இதன் பின் மாம்பழத்தை கழுவி தோல் நீக்கி சிறு சிறு துண்டுகளாக நறுக்கிக் கொள்ளவும்.

அதனுடன் சிறிது தண்ணீர் சேர்த்து மிக்ஸியில் போட்டு கூழாக அரைத்துக் கொள்ளவும். குளிர வைத்த பாலுடன் ஜெல்லி சேர்த்து நன்கு அடித்துக் கலந்து, அதனையும் மாம்பழச்சாறுடன் சேர்க்கவும்.

பால் கலந்த மாம்பழச்சாற்றை குளிர்சாதனப் பெட்டியில் சுமார் 2 மணி நேரம் வைத்து குளிர வைக்கவும். பின்னர் வெளியே எடுத்து வெண்ணிலா ஐஸ்கிரீம் சேர்த்து பரிமாறவும்