ஆப்பிரிக்க நாடான மலாவி, ஃப்ரெடி புயலால் பாதிக்கப்பட்டுள்ளது. ஒரு மாதத்தில் புயல் பேரழிவை உருவாக்கியது. இதனால் ஆறுகளில் வெள்ளம் பெருக்கெடுத்து ஓடுகிறது. வெள்ளம் பெருக்கெடுத்து ஓடுவதால் மக்கள் வெள்ளத்தில் அடித்துச் செல்லப்படுகின்றனர். கட்டிடங்கள் இடிந்து விழுகின்றன. இதுவரை 100க்கும் மேற்பட்டோர் உயிரிழந்துள்ளனர். அவர்களில் 60 பேரின் உடல்கள் கண்டெடுக்கப்பட்டுள்ளன.
மலாவி, மொசாம்பிக் உள்ளிட்ட பல தென் மற்றும் மத்திய ஆப்பிரிக்க நாடுகள் ஃப்ரெடி சூறாவளியால் பாதிக்கப்பட்டுள்ளன. வெள்ளம் காரணமாக பல பகுதிகள் முற்றிலும் சேதமடைந்துள்ளன.
பாதகமான சூழ்நிலைகளால் நிவாரணப் பணிகள் பாதிக்கப்பட்டுள்ளன. இங்குள்ள பெரும்பாலான வீடுகள் சேறும் சகதியுமாக இருப்பதால் இடிந்து விழும் அபாயத்தில் உள்ளதாக அதிகாரிகள் கூறுகின்றனர். புயல் பாதித்த பகுதிகளில் உள்ள மக்கள் உடனடியாக வெளியேறி பாதுகாப்பான பகுதிகளுக்கு செல்லுமாறு எச்சரிக்கை விடுக்கப்பட்டுள்ளது.
மரங்கள் விழுந்து மண்சரிவு சம்பவங்களில் காயமடைந்தவர்கள் மருத்துவமனைக்கு கொண்டு செல்லப்பட்டு வருகின்றனர். பலி எண்ணிக்கை மற்றும் காயமடைந்தவர்களின் எண்ணிக்கை மேலும் அதிகரிக்க வாய்ப்புள்ளதாக அதிகாரிகள் தெரிவித்துள்ளனர்.
Leave a Comment