டிரம்புக்கு பெரும் அதிர்ச்சி.. அயோவா மாநிலத்தில் கமலா ஹாரிஸ் முன்னிலை!!

அமெரிக்க அதிபர் தேர்தல் நவம்பர் 5ஆம் தேதி நடைபெறவுள்ளது. குடியரசுக் கட்சி வேட்பாளர் டொனால்ட் டிரம்ப் மற்றும் ஜனநாயகக் கட்சி வேட்பாளர் கமலா ஹாரிஸ் இடையே கடும் போட்டி நிலவுகிறது. அயோவா மாநிலத்தில் குடியரசுக் கட்சியினர் தோற்க வாய்ப்புள்ளதாக சமீபத்திய சர்வே கணித்துள்ளது.

கடந்த காலங்களில், டிரம்ப் இங்கு முன்னிலையில் இருப்பதாக சர்வே கூறியது. ஆனால் இப்போது விஷயங்கள் மாறிவிட்டன. தற்போது டிரம்புக்கு 44 சதவீத ஆதரவும், கமலா ஹாரிஸுக்கு 47 சதவீத ஆதரவும் இருப்பதாக கணக்கெடுப்பில் தெரியவந்துள்ளது. இறுதிக் கருத்துக்கணிப்பு Des Moines Register செய்தித்தாளில் வெளியிடப்பட்டது.

மேலும் ஜோர்ஜியா மற்றும் வட கரோலினா ஆகிய ஸ்விங் மாநிலங்களில் டிரம்ப் மற்றும் ஹாரிஸ் இடையே கடும் போட்டி நிலவுகிறது. ஜார்ஜியாவில் கமலா ஹாரிஸுக்கு 47 சதவீத ஆதரவும், டிரம்புக்கு 48 சதவீத ஆதரவும் உள்ளது. வட கரோலினாவில் டிரம்புக்கு 47 சதவீத ஆதரவு இருக்கும் நிலையில், கமலா ஹாரிஸுக்கு 48 சதவீத ஆதரவு இருப்பதாக ஒரு சர்வேயில் தெரியவந்துள்ளது.