பொதுத்தேர்வுக்கான ஹால் டிக்கெட் இன்று நண்பகல் வெளியீடு..!

10, மற்றும் 12-ம் வகுப்பு பொதுத்தேர்வு ஹால்டிக்கெட் இன்று நண்பகலில் இணையத்தில் வெளியாகிறது.

கொரோனா நோய்த்தொற்று காரணமாக இந்த கல்வி ஆண்டுக்கான நேரடி வகுப்புகள் சற்று தாமதமாகவே தொடங்கின. இதனைக் கருத்தில் கொண்டும், மாணவர்களுடைய நலனை கருத்தில் கொண்டும், 10, 11, 12-ம் வகுப்பு மாணவர்களுக்கான பொதுத்தேர்வு வழக்கமாக நடைபெறும் மார்ச் மாதத்திலிருந்து மே மாதத்திற்கு ஒத்தி வைக்கப்பட்டது. அதன்படி அடுத்த மாதம் 5-ந் தேதி முதல் தேர்வுகள் தொடங்க உள்ளன.

இந்நிலையில் 10, 11 மற்றும் 12-ம் வகுப்பு மாணவர்களுக்கு பொதுத்தேர்வுகளுக்கான ஹால்டிக்கெட் இன்று வெளியிடப்பட இருப்பதாக அரசு தேர்வுகள் இயக்ககம் தெரிவித்துள்ளது.

பள்ளித் தலைமையாசிரியர்கள் www.dge.tn.gov.in என்ற இணையதளத்துக்கு சென்று அவர்களுக்கென்று வழங்கப்பட்ட கடவுச்சொல்லை பயன்படுத்தி ஹால்டிக்கெட்டை பதிவிறக்கம் செய்து மாணவர்களுக்கு வழங்கலாம் என்று தெரிவிக்கப்பட்டுள்ளது.