விரைவில் வோடபோன் ஐடியா 5ஜி.. பெரும் நிதி ஒதுக்கீடு..!

நிதி நெருக்கடியில் உள்ள முன்னணி தனியார் தொலைத்தொடர்பு நிறுவனமான வோடபோன் ஐடியா, இறுதியாக 5ஜி நெட்வொர்க் சேவைகளை தொடங்கவுள்ளது.

ரிலையன்ஸ் ஜியோ மற்றும் பார்தி ஏர்டெல் போன்ற போட்டி நிறுவனங்கள் ஏற்கனவே கோடிக்கணக்கான 5G சந்தாதாரர்களுடன் முன்னேறி வரும் நிலையில், Vodafone Idea (VI) பண நெருக்கடியால் பின்தங்கியுள்ளது.

5G நெட்வொர்க்கின் சமீபத்திய அறிமுகத்திற்கு ரூ. 5,720 கோடியை ஒதுக்க நிறுவனம் முடிவு செய்துள்ளது. இந்த நிதியானது 5ஜியை கொண்டு வருவது மட்டுமல்லாமல், தற்போதுள்ள 2ஜி சந்தாதாரர்களை மேம்படுத்தி 4ஜி நெட்வொர்க்கை பலப்படுத்தும். அடுத்த 24-30 மாதங்களில் நிறுவனத்தின் தற்போதைய வருவாயில் 40 சதவீதத்தை 5G மூலம் உருவாக்க Vi நோக்கமாகக் கொண்டுள்ளது.

மேலும், 900MHz மற்றும் 2100MHz ஸ்பெக்ட்ரம் சிறந்த 4G கவரேஜுக்காக சீர்திருத்தப்படும். முக்கிய 17 வட்டங்களில் 5ஜி கவரேஜை விரிவுபடுத்த புதிய முதலீடுகள் செய்யப்படும் என்று நிறுவனத்தின் தலைமை நிர்வாகி அக்ஷயா முந்த்ரா தெரிவித்தார்.

நிறுவனத்தின் மொத்த சந்தாதாரர்களின் எண்ணிக்கையில் 42 சதவீதம் பேர் இன்னும் 2ஜியில் உள்ளனர். புதிய முதலீடுகளுடன் ஒரு பயனரின் சராசரி வருவாய் (ARPU) அதிகரிக்கும் என நிறுவனம் எதிர்பார்க்கிறது என்று அக்ஷயா முந்த்ரா கூறினார்.