இந்திய ஸ்மார்ட்வாட்ச் தொழில் மிக வேகமாக வளர்ந்து வருகிறது. நடப்பு ஆண்டில், உள்நாட்டில் மட்டுமின்றி, உலகளவில் சிறந்த விற்பனையுடன் இத்துறை சிறந்து விளங்குகிறது.
குறிப்பாக இந்த பிரிவில் உள்நாட்டு பிராண்டுகள் சீனா மற்றும் பிற உலகளாவிய பிராண்டுகள் மீது ஆதிக்கம் செலுத்துவதை நோக்கமாகக் கொண்டுள்ளனர்.
Counterpoint Research இன் சமீபத்திய அறிக்கையின்படி, கடந்த ஆண்டை விட நடப்பு நிதியாண்டின் இரண்டாவது காலாண்டில் இந்திய ஸ்மார்ட்வாட்ச் சந்தை 347 சதவீதம் வளர்ச்சி கண்டுள்ளது.
மேலும், உலகின் இரண்டாவது பெரிய ஸ்மார்ட்வாட்ச் சந்தையான சீனாவை முதன்முறையாக விஞ்சியுள்ளது. ஸ்மார்ட்வாட்ச் பிரிவில் சீனா 10 சதவீத சரிவுடன் மூன்றாவது இடத்திற்கு தள்ளப்பட்டது.
இந்திய ஸ்மார்ட்வாட்ச் பிராண்டுகள் நியாயமான விலைகள், தரம் மற்றும் செயல்திறன் மூலம் சீன பிராண்டுகளுடன் மட்டுமல்லாமல் உலகளாவிய பிராண்டுகளுடன் போட்டியிட முயற்சிப்பதாக கவுண்டர்பாயின்ட்டின் பிரபு ராம் கூறினார்.
பணவீக்கம் மற்றும் புவிசார் அரசியல் பதட்டங்கள் இருந்தபோதிலும் ஜூன் காலாண்டில் ஃபயர்-போல்ட் மற்றும் நாய்ஸ் போன்ற உள்நாட்டு பிராண்டுகள் ஸ்மார்ட்வாட்ச்கள் அதிகம் விற்பனையாகின. 30 சதவீத உள்நாட்டுப் பங்கைக் கொண்ட முதல் 3 இடங்களில் உள்ள ஒரே உள்நாட்டு ஸ்மார்ட்வாட்ச் நாய்ஸ் பிராண்ட் ஆகும்.
