தமிழ்நாடு

5 ஆண்டுகளாக நஷ்டத்தில் இயங்கி வரும் டாஸ்மாக் கடைகள் – தகவல் வெளியீடு!!

தமிழகத்தில் தகவல் அறியும் உரிமை சட்டத்தின் கீழ் கேட்கப்பட்ட கேள்விக்கு, கடந்த 5 ஆண்டுகளாக டாஸ்மாக் கடைகள் அனைத்தும் நஷ்டத்தில் இயங்கி வருவதாக தற்போது தகவல்கள் கொடுக்கப்பட்டுள்ளது.

தமிழக அரசின் வருவாய் ஈட்டும் ஒரு முக்கிய அரசுத்துறை நிறுவனமான டாஸ்மாக் கடைகள் நஷ்டத்தில் இயங்கி வருவதாக தகவல்கள் வெளியாகியுள்ளது. அதாவது தமிழகத்தில் அடுத்தடுத்து கொரோனா பேரலைகள் தீவிரமடைந்து வந்ததினால் கடந்த மார்ச் மாதம் முதல் டாஸ்மாக் கடைகள் மூடப்பட்டன. இதை தொடர்ந்து ஊரடங்கு தளர்வுகளாக கடந்த ஆண்டு இறுதியில் டாஸ்மாக் கடைகளில் திறக்கப்பட்டு விற்பனை துவங்கியது.

ஆனால் கொரோனா 2 ஆம் அலை பரவலால் இந்த ஆண்டு மே மாதம் முதல் 2 மாதங்களுக்கு மேலாக மூடப்பட்ட கடைகள் தற்போது மீண்டுமாக திறக்கப்பட்டு விற்பனை நடைபெறுகிறது. இந்த இடைப்பட்ட காலங்களில் டாஸ்மாக் கடைகள் செயல்படாததால், அரசுக்கு பெருமளவு வருவாய் இழப்பு ஏற்பட்டது. ஆனால் தமிழகத்தில் டாஸ்மாக் கடைகள் கடந்த 5 ஆண்டுகளாக நஷ்டத்தில் இயங்கி வருவதாக தற்போது தகவல்கள் வெளியாகியுள்ளது.

அதாவது தகவல் அறியும் உரிமை சட்டத்தின் கீழ், சென்னை காசிமாயன் டாஸ்மாக் விற்பனை குறித்து கேட்கப்பட்ட கேள்விக்கு, தமிழகத்தில் 2010-11 ஆண்டில் ரூ.3.56 கோடி , 2011-12 ஆண்டில் ரூ.1.12 கோடி, 2012-13 ஆண்டில் ரூ.103.64 கோடி, 2013-14 ஆண்டில் ரூ.64.44 கோடி, 2019-20 ஆண்டில் ரூ.64.44 கோடி என்ற அளவில் 5 ஆண்டு காலமாக நஷ்டம் ஏற்பட்டுள்ளதாக பதில் அளிக்கப்பட்டுள்ளது. இதற்கு முன்னதாக கடந்த 2004-05 ஆம் நிதியாண்டில் தான் டாஸ்மாக் விற்பனையில் அதிகபட்சமாக ரூ.232.73 கோடி லாபம் கிடைத்ததாகவும் குறிப்பிடப்பட்டுள்ளது.


உடனுக்குடன் அண்மைச் செய்திகளை தெரிந்து கொள்ள உடனே கீழே கொடுக்கப்பட்டுள்ள லிங்கை கிளிக் செய்து பின் தொடருங்க...
Google News - https://bit.ly/3BonVzx
Facebook - https://bit.ly/3iGDsUb
Twitter - https://bit.ly/3v42Kkh

இதையும் படிங்க:  1,400 தற்காலிக ஆசிரியர் பணியிடங்கள் 3 ஆண்டுகளுக்கு நீட்டிப்பு – அரசாணை வெளியீடு!!
Back to top button
error: