பராமரிப்பு பணி காரணமாக சென்னை கடற்கரை – தாம்பரம் இடையே மின்சார ரயில் இன்று ரத்து..!

பராமரிப்பு பணி காரணமாக சென்னை கடற்கரை – தாம்பரம் இடையே மின்சார ரயில் இன்று ரத்து செய்யப்பட்டுள்ளது.

தாம்பரம் பணிமனையில் பராமரிப்புப் பணிகள் நடைபெறுவதால், சென்னை கடற்கரை – தாம்பரம் மார்க்கத்தில் இன்று (நவம்பர் 17) காலை 7 மணி முதல் மாலை 5 மணி வரை இரு மார்க்கத்திலும் மின்சார ரயில் சேவை ரத்து செய்யப்பட்டுள்ளது.

அதேவேளை பயணிகளின் வசதிக்காக சென்னை கடற்கரை – பல்லாவரம் இடையே காலை 6.15 மணி முதல் மாலை 5.05 மணி வரை 20 முதல் 30 நிமிட இடைவெளியில் இரு மார்க்கத்திலும் மொத்தம் 35 சிறப்பு ரயில்கள் இயக்கப்படும். இந்த பணிகள் முடிவடைந்த பிறகு மாலை 5 மணி முதல் ரயில்கள் வழக்கம் போல் இயக்கப்படும் என தெற்கு ரயில்வே தெரிவித்துள்ளது.