தமிழ்நாடுமாவட்டம்

திருவிழாக்கள், மதம் சார்ந்த நிகழ்வுகளுக்குத் தடை.. தமிழக அரசு அறிவிப்பு..!

கொரோனா பரவல் காரணமாக திருவிழாக்கள், மதம் சார்ந்த கூட்டங்கள் ஏப்ரல் 10ஆம் தேதிமுதல் தடைவிதிக்கப்படுவதாகத் தமிழக அரசு அறிவித்துள்ளது.

கொரோனா நோய்ப்பரவலைக் கருத்தில்கொண்டு திருவிழாக்கள், மதம் சார்ந்த கூட்டங்களுக்கு ஏப்ரல் 10ஆம் தேதிமுதல் தடைவிதிக்கப்படுகிறது. வழிபாட்டுத் தலங்களில் இரவு 8 மணிவரை மட்டுமே அனுமதிக்கப்படும்.

ஏப்ரல் 10ஆம் தேதிமுதல் கோயம்பேடு வணிக வளாகத்தில் செயல்படும் சில்லறை காய்கனி அங்காடிகள் மட்டும் செயல்படத் தடைவிதிக்கப்பட்டுள்ளது.

அதேபோன்று மாவட்டங்களில் உள்ள மொத்த வியாபார காய்கனி வளாகங்களில் சில்லறை வியாபாரக் கடைகளுக்கும் தடைவிதிக்கப்படுகிறது.

கட்டுப்பாடுகள்

  • திரையரங்குகளில் 50 விழுக்காடு மட்டுமே அனுமதிக்கப்படும்.
  • புதுச்சேரி, ஆந்திரா, கர்நாடகா செல்லும் பேருந்துகளில் நின்று செல்ல அனுமதியில்லை, அமர்ந்து செல்ல மட்டுமே அனுமதி.
  • பார்வையாளர்களின்றி விளையாட்டுப் போட்டிகள் நடத்தலாம்.
  • கலை நிகழ்ச்சிகள் உள்ளிட்ட நிகழ்ச்சிகளை 200 பேருக்கு மிகாமல் நடத்தலாம்.
  • சீருந்துகளில் (டாக்ஸி) ஓட்டுநருடன் சேர்ந்து மூவரும், ஆட்டோவில் ஓட்டுநருடன் சேர்ந்து இருவரும் மட்டுமே பயணிக்க அனுமதி.
  • மாவட்ட, மாநகரப் பேருந்துகளில் அமர்ந்துசெல்ல மட்டுமே அனுமதி.
  • சின்னத்திரை, திரைப்படங்களுக்கு அனுமதி. இருப்பினும் நடிகர், நடிகர்கள், தொழிலாளர்கள் தடுப்பூசி போட்டுக்கொள்ள வேண்டும், உரிய வழிகாட்டு நடைமுறைகளைப் பின்பற்ற வேண்டும்.
  • நீச்சல் குளத்தில் குளிக்க அனுமதியில்லை, ஆனால் பயிற்சி மேற்கொள்ள மட்டும் அனுமதி.
  • தேநீர்க் கடைகள், உணவங்களில் 50 விழுக்காட்டினருக்கு மட்டும் அனுமதி.
  • வெளி மாநிலங்களிலிருந்தும், வெளி நாடுகளிலிருந்தும் வருபவர்கள் கட்டாயம் இ-பாஸ் கொண்டுவர வேண்டும்.
  • பொழுதுபோக்குப் பூங்கா, வணிக வளாகங்களில் 50 விழுக்காட்டினருக்கு மட்டும் அனுமதி.
  • கல்வி, சமுதாயம், பொழுதுபோக்கு கலாசார நிகழ்வுகளில் உள் அரங்குகளில் 200 பேருக்கு மட்டுமே அனுமதி.
  • திருமண நிகழ்வில் 100 பேர் மட்டுமே அனுமதி.
  • இறுதி ஊர்வலத்தில் 50 பேர் மட்டுமே பங்கேற்க வேண்டும்.

இவ்வாறு அதில் தெரிவிக்கப்பட்டுள்ளது.

Leave a Reply

Your email address will not be published. Required fields are marked *

Back to top button
error: