மூன்றாவது ஒருநாள் போட்டியில் இந்திய அணி அபார வெற்றி.. 317 ரன்கள் வித்தியாசத்தில் இலங்கை தோல்வி..!

இலங்கைக்கு எதிராக இந்தியா அபார வெற்றி பெற்றது. ODI வரலாற்றில் அதிக வித்தியாசத்தில் வெற்றி பெற்றது. இந்தியா 317 ரன்கள் வித்தியாசத்தில் வெற்றி பெற்றது.

391 ரன்கள் எடுத்தால் வெற்றி என்ற இலக்குடன் களம் இறங்கிய இலங்கை அணி 22 ஓவர்களில் 73 ரன்களுக்கு ஆட்டமிழந்தது. இதன் மூலம் மூன்று ஒருநாள் போட்டித் தொடரை 3-0 என இந்தியா கைப்பற்றியது.

மூன்றாவது ஒருநாள் போட்டியில் இந்தியா அபார ஸ்கோரை எட்டியது. விராட் கோலியின் அபார சதம் மற்றும் தொடக்க ஆட்டக்காரர் சுப்மான் கில்லின் சதத்தால் இந்திய அணி நிர்ணயிக்கப்பட்ட 50 ஓவரில் 5 விக்கெட்டுக்கு 390 ரன்கள் குவித்தது.

கோஹ்லி 110 பந்துகளில் 166 ரன்களுடன் ஆட்டமிழக்காமல் இருந்தார். கோஹ்லியின் இன்னிங்ஸில் 13 பவுண்டரிகள், 8 அபார சிக்ஸர்கள் உள்ளன. முதலில் சதம் அடித்த ஷுப்மன் கில் (116), அதைத்தொடர்ந்து கோஹ்லி சதம் விளாசினார். ஒருநாள் போட்டியில் கோஹ்லியின் 46வது சதம். இந்த மூன்று ஒருநாள் தொடரில் கோஹ்லி 2 சதங்களை அடித்தார். ஷ்ரேயாஸ் ஐயர் 38 ரன்கள் எடுத்தார். கே.எல்.ராகுல் 7, சூர்யகுமார் யாதவ் 4 ரன்களில் ஆட்டமிழந்தனர். கேப்டன் ரோகித் சர்மா 42 ரன்கள் எடுத்தார்.