இந்தியா

கர்நாடகா மாநிலத்தில் ஆகஸ்ட் 23 ஆம் தேதி 9 முதல் 12 வரையுள்ள வகுப்புகளுக்கு பள்ளிகள் திறப்பு – மாநில அரசு அறிவிப்பு!!

கர்நாடகா மாநிலத்தில் வரும் 23 ஆம் தேதி முதல் 9 லிருந்து 12 ஆம் வகுப்பு வரையுள்ள மாணவர்களுக்கான நேரடி வகுப்புகளை மீண்டும் திறக்க மாநில அரசு முடிவு செய்துள்ளது. இருப்பினும் இந்த நடவடிக்கைகள் 2% க்கும் குறைவான கொரோனா பாதிப்புகள் இருக்கும் பகுதிகளுக்கு மட்டுமே அறிவிக்கப்பட்டுள்ளது.

நாடு முழுவதும் கொரோனா 2 ஆம் அலை தாக்கமானது குறைந்து வருவதையடுத்து பல்வேறு மாநிலங்களில் பள்ளிகள், கல்லூரிகள் உட்பட அனைத்து கல்வி நிறுவனங்களும் மீண்டுமாக திறக்கப்பட்டு வருகிறது. அந்த வரிசையில் தமிழகத்தின் அண்டை மாநிலமான கர்நாடகாவில் ஆகஸ்ட் 23 ஆம் தேதி முதல் 9 லிருந்து 12 வரையுள்ள வகுப்புகளுக்கு பள்ளிகள் திறக்கப்படுவதாக அறிவிக்கப்பட்டுள்ளது. இருப்பினும், இந்த நடவடிக்கைகள் 2 சதவீதத்திற்கும் குறைவான கொரோனா நேர்மறை விகிதம் கொண்ட மாவட்டங்களுக்கு மட்டுமே பொருந்தும் என கர்நாடக முதல்வர் பசவராஜ் பொம்மை அறிவித்துள்ளார்.

இதனிடையே பள்ளிகளில் நேரடி வகுப்புகளில் கலந்து கொள்ள வரும் மாணவர்களது பெற்றோர்கள், ஆசிரியர்கள் மற்றும் பள்ளி ஊழியர்கள் அனைவரும் பள்ளி வளாகத்திற்குள் நுழைவதற்கு முன் கட்டாயமாக தடுப்பூசி எடுத்துக்கொள்ள வேண்டும் என அறிவுறுத்தப்பட்டுள்ளது. இதனிடையே ஆகஸ்ட் 1 ஆம் தேதி முதல் 11 ஆம் தேதி வரை பெங்களூர் மாநகரில் மட்டும் 18 வயதுக்குட்பட்ட 543 குழந்தைகள் கொரோனாவால் தாக்கப்பட்டுள்ளதாக சமீபத்திய செய்திகள் தெரிவித்துள்ளது. இது பெற்றோர்களிடையே அச்சத்தை ஏற்படுத்தியுள்ள நிலையில், இவை கொரோனா 3 ஆம் அலைக்கான சாத்திகூறுகளாக கணிக்கப்படுகிறது.

அந்த வகையில் 0-9 வயதுடைய 88 குழந்தைகளும், 10-19 வயதுக்குட்பட்ட 305 குழந்தைகளும் நோய்த்தொற்றால் பாதிக்கப்பட்டுள்ளனர். இதற்கிடையில் தான் ஆகஸ்ட் 23 ஆம் தேதி முதல் 9 ஆம் வகுப்பு முதல் 12 ஆம் வகுப்பு வரையுள்ள மாணவர்களுக்கு மாற்று நாட்களின் அடிப்படையில் பள்ளிகள் மீண்டும் திறக்கப்படும் என்று மாநில அரசு அறிவித்துள்ளது. இதையடுத்து மாநிலம் முழுவதுமான தொற்றுநோய் நிலைமையை மறுபரிசீலனை செய்த பின்னர் 1 முதல் 8 ஆம் வகுப்பு வரையுள்ள வகுப்புகளை திறப்பது குறித்த முடிவு எடுக்கப்படும் எனவும் தெரிவிக்கப்பட்டுள்ளது.

இதையும் படிங்க:  பள்ளி, கல்லூரிகளை திறக்க தடை.. மாநில உயர் நீதிமன்றம் அதிரடி உத்தரவு!

Leave a Reply

Your email address will not be published. Required fields are marked *

Back to top button
error: