தொழில்நுட்பம்

SBI வாடிக்கையாளர்களே எச்சரிக்கை! செப்., 30க்குள் இதை செய்யுங்க..!

ஸ்டேட் பாங்க் ஆப் இந்தியா (எஸ்பிஐ) இதுவரை ஆதார் உடன் பான் எண்ணை இணைக்கவில்லை என்றால் உடனடியாக அதை செய்யுமாறு தன் வாடிக்கையாளர்களுக்கு எச்சரிக்கை விடுத்துள்ளது.

ஏற்கனவே பான் மற்றும் ஆதாரை இணைத்துள்ள வாடிக்கையாளர்கள் இந்த எச்சரிக்கையை பொருட்படுத்த வேண்டாம். இதுபற்றிய அறிவிப்பை ஸ்டேட் பாங்க் ஆப் இந்தியா தனது அதிகாரப்பூர்வ சமூக வலைத்தள ட்விட்டரில் இந்த வெளியிட்டது.

ஸ்டேட் பாங்க் ஆஃப் இந்தியா ட்விட்டர் ஹேண்டிலின் அதிகாரப்பூர்வ பக்கத்தில் வெளியான ட்வீட் ஆனது, “வாடிக்கையாளர்களுக்கு சிரமத்தையும் தவிர்க்கவும் மற்றும் தடையற்ற வங்கி சேவையை தொடர்ந்து அனுபவிக்கவும் ஆதார் எண்ணுடன் பான் எண்ணை இணைக்குமாறு நாங்கள் அறிவுறுத்துகிறோம்.”

பான் மற்றும் ஆதார் இணைக்கப்படாவிட்டால், “பான் inoperative/inactive ஆக இருக்கும் மற்றும் குறிப்பிட்ட பரிவர்த்தனைகளை நிகழ்த்த முடியாது” என்று எஸ்பிஐ தன் பயனர்களை எச்சரித்துள்ளது.

பான் மற்றும் ஆதாரை இணைப்பதற்கான கடைசி தேதி ஆக செப்டம்பர் 30, 2021 நிர்ணயிக்கப்பட்டுள்ளது. எனவே, தேவையானதைச் செய்ய நிறைய நேரம் இருக்கிறது.

பான் மற்றும் ஆதார் ஆகியவற்றை விரைவாக இணைக்க, SBI தன் பயனர்களை புதிய ஐடி போர்ட்டலுக்கு – https://www.incometax.gov.in/iec/foportal/ செல்லுமாறும் கேட்டுக்கொள்கிறது.

புதிய ஐடி போர்ட்டல் வழியாக பான்-ஆதாரை இணைப்பது எப்படி?

புதிய ஐடி போர்ட்டலுக்குச் செல்லவும் அல்லது https://www.incometax.gov.in/iec/foportal/ என்கிற இணைப்பை பயன்படுத்தி புதிய போரட்டலுக்குள் செல்லவும்.

ஹோம் பேஜில் கீழே ஸ்க்ரோல் செய்ய, Link Aadhaar என்கிற விருப்பம் கிடைக்கும், அதை கிளிக் செய்யவும் அல்லது இங்கே பின்வரும் இணைப்பை பயன்படுத்தி நேரடியாக லிங்க் ஆதாருக்குள் செல்லவும்: https://eportal.incometax.gov.in/iec/foservices/#/pre-login/bl-link-aadhaar

இங்கே பான், ஆதார் எண், ஆதாரில் உள்ள பெயர் மற்றும் 10 இலக்க மொபைல் எண் உள்ளிட்ட சில விவரங்களை உள்ளிட வேண்டும்.

பின்னர் “I have only year of birth in Aadhaar card” மற்றும் “I agree to validate my Aadhaar details” விவரங்களை சரிபார்க்க வேண்டும்.

கடைசியாக Link Aadhaar என்கிற விருப்பத்தை கிளிக் செய்யவும், அவ்வளவுதான்!

Leave a Reply

Your email address will not be published. Required fields are marked *

Back to top button
error: