பொழுதுபோக்குதமிழ்நாடு

அன்னாசி – எலுமிச்சை ஜூஸ்..!

காலையில் வெறும் வயிற்றிலோ, உணவுடன் சேர்த்தோ ஜூஸ் சாப்பிட விரும்பாதவர்கள் ரிலாஸ்க் டைமில் இந்த ஜூஸ் அருந்தி புத்துணர்ச்சி பெறலாம். உடல்நலம் குன்றியவர்கள், உடற்பயிற்சி செய்பவர்கள், மாணவர்கள் தினமும் இந்த ஜூஸை அருந்தலாம்.

செய்முறை

வட்டமாக வெட்டிய நான்கு அன்னாசிப்பழத் துண்டுகளுடன், ஒரு சிறிய பழத்தின் எலுமிச்சைச்சாறு பிழிந்து, தேவையான அளவு சர்க்கரை சேர்த்து மிக்ஸியில் நன்றாக அரைத்து வடிகட்ட வேண்டும். தேவைப்படுபவர்கள், ஐஸ்கட்டிகள் சேர்த்துக்கொள்ளலாம்.

சிறப்பு

வைட்டமின் சி சத்து நிறைந்த ஜூஸ் இது. இரும்புச்சத்து, சிறிதளவு பொட்டாசியம், மக்னீசியம், மாங்கனீசு முதலான தாதுஉப்புகள் இதில் நிறைந்து இருக்கின்றன. ஆன்டிஆக்ஸிடன்ட் அதிக அளவு இருப்பதால், உடலில் நோய் எதிர்ப்பு சக்தி அதிகரிக்க உதவும். இதய நோயாளிகளுக்கு ஏற்றது.

குறிப்பு

வயிற்றுப்புண் இருப்பவர்கள், சர்க்கரை நோயாளிகள் இந்த ஜூஸை அருந்த வேண்டாம்.

Leave a Reply

Your email address will not be published. Required fields are marked *

Back to top button
error: