மத்திய பட்ஜெட் 2024 : நாடாளுமன்றத்தில் இன்று பட்ஜெட் தாக்கல்.. பட்ஜெட்டில் இவையே முக்கிய அம்சங்களாக இருக்கும்..!

2024-25ஆம் ஆண்டுக்கான பட்ஜெட்டை நிதியமைச்சர் நிர்மலா சீதாராமன் நாடாளுமன்றத்தில் தாக்கல் செய்கிறார்.

மோடி 3.0 அரசு உருவான பிறகு முதல் பட்ஜெட்டை அறிமுகப்படுத்துகிறது. இந்த முறை மாநிலங்களோடு சேர்ந்து கோடிக்கணக்கான மக்களும் அதிக நம்பிக்கை வைத்துள்ளனர்.

நிர்மலா சீதாராமன் இன்று காலை 9 மணிக்கு நிதித்துறை அலுவலகத்திலிருந்து ராஷ்டிரபதி பவனுக்கு புறப்படுவார். ஜனாதிபதி திரௌபதி முர்முவை காலை 9.30 மணிக்கு சந்திக்கிறார்.

பின்னர் 10 மணிக்கு பாராளுமன்றத்தை சென்றடைவார். மத்திய அமைச்சரவைக் கூட்டம் காலை 10.15 மணிக்கு நடைபெறும். இதைத்தொடர்ந்து பிரதமர் மோடியை நிர்மலா சீதாராமன் சந்தித்து பேசுகிறார்.

இந்தக் கூட்டத்திற்குப் பிறகு, காலை 11 மணிக்கு மக்களவையில் நிர்மலா சீதாராமன் தனது பட்ஜெட் உரையைத் தொடங்குகிறார். நிதியமைச்சர் தாக்கல் செய்யும் பட்ஜெட்டில் இவையே முக்கிய அம்சங்களாக இருக்கும்.

வரி விலக்கு உண்டா?

நடுத்தர மக்களின் எதிர்பார்ப்புக்கு ஏற்ப வரிச்சலுகை அறிவிக்க வாய்ப்பு உள்ளதாக தெரிகிறது. இடைக்கால பட்ஜெட்டில் நடுத்தர மக்களுக்கு எதுவும் கிடைக்கவில்லை, இப்போது அவர்களின் எதிர்பார்ப்பு அதிகமாக உள்ளது. முந்தைய நிதியாண்டில் 5.8 சதவீதமாக இருந்த நிதிப்பற்றாக்குறை பட்ஜெட்டில் 4.5 சதவீதமாக உள்ளது. முழு வரவுசெலவுத் திட்டம் முன்பை விட சிறந்த நிதிப் பற்றாக்குறை மதிப்பீடுகளை வழங்கும் என ஆய்வாளர்கள் இப்போது எதிர்பார்க்கின்றனர்.

மூத்த குடிமக்களின் நம்பிக்கை..

மறுபுறம், மூத்த குடிமக்களும் பட்ஜெட் மீது நம்பிக்கை வைத்துள்ளனர். கொரோனாவுக்கு முன், ரயில்வேயில் மூத்த குடிமக்களுக்கு சலுகை வசதி இருந்தது. கோவிட்க்குப் பிறகு இது அரசால் அகற்றப்பட்டது. இதனால் அனைவரும் ஒரே டிக்கெட்டில் பயணிக்க வேண்டிய நிலை ஏற்பட்டது. தற்போது புதிய பட்ஜெட்டில் மூத்த குடிமக்கள் சலுகைகள் மீண்டும் வழங்கப்படலாம் என தகவல்கள் வெளியாகியுள்ளன.

கொரோனாவுக்கு முன், ஆண் மூத்த குடிமக்களுக்கும், பெண் மூத்த குடிமக்களுக்கும் ரயில் டிக்கெட்டுகளில் பெரும் தள்ளுபடி கிடைத்தது. மூத்த குடிமக்களுக்கு ரயில் டிக்கெட்டில் 50 சதவீத தள்ளுபடியும், ஆண் மற்றும் திருநங்கைகளுக்கு 40 சதவீத சலுகையும் வழங்கப்பட்டுள்ளது. ராஜ்தானி மற்றும் சதாப்தி சேவைகள் உட்பட அனைத்து விரைவு மற்றும் முக்கிய ரயில்களுக்கும் இந்த தள்ளுபடி பொருந்தும்.

பட்ஜெட் ஒப்புதல்

நிதியமைச்சர் நிர்மலா சீதாராம் தாக்கல் செய்த புதிய பட்ஜெட்டுக்கு இம்மாதம் 30ம் தேதி ஒப்புதல் அளிக்கப்படும் என தெரிகிறது. இது குறித்து கடுமையாக வாதிட எதிர்க்கட்சிகள் முடிவு செய்துள்ளன. விலைவாசி உயர்வு, வேலையில்லா திண்டாட்டம், முக்கிய துறைகளின் வளர்ச்சியின்மை, விவசாய நெருக்கடி என என்னென்ன பிரச்னைகளை எழுப்புவது என்பது குறித்து எதிர்க்கட்சித் தலைவர்கள் தங்கள் விவாதத்தில் அரசாங்கத்தை முட்டுக்கட்டை போட முடிவு செய்துள்ளதாக தெரிகிறது.

காங்கிரஸ் தலைவர் மல்லிகார்ஜன கார்கேவும் ட்விட்டரில் பதிவிட்டுள்ளார். பத்து ஆண்டுகளில் 140 கோடி இந்தியர்களின் ஆசைகளை உங்கள் அரசு நசுக்கியுள்ளது. மோடி அரசின் தோல்விகளை எடுத்துரைக்கும் வகையில் பொருளாதார ஆய்வு பளபளப்பான வெற்று உறை போன்றது என்று அவர் X இல் பதிவிட்டுள்ளார்.