முதுநிலை மருத்துவப் படிப்புகளுக்கு இன்று நீட் தேர்வு

நாடு முழுவதும் முதுநிலை மருத்துவப் படிப்புகளுக்கு இன்று நீட் தேர்வு நடைபெறவுள்ளது. இத்தேர்வை, ஒரு லட்சத்து 60 ஆயிரத்துக்கும் மேற்பட்ட மருத்துவர்கள் எழுதுகின்றனர்.

தமிழகத்தில் சென்னை, கோவை, மதுரை, நெல்லை, சேலம், திருச்சி உட்பட நாடு முழுவதும் 271 நகரங்களில் 600-க்கும் மேற்பட்ட மையங்களில் காலை 9 மணி முதல் பகல் 12.30 மணி வரை இணைய வழியில் தேர்வு நடைபெறவுள்ளது.

தேர்வு எழுதுபவர்கள் காலை 7 மணிக்கு தேர்வு மையத்துக்கு வந்துவிட வேண்டும் என அறிவுறுத்தப்பட்டுள்ளது. தேர்வு முடிவுகள் வரும் 31-ம் தேதி வெளியிடப்படவுள்ளது.