பொதுவாக பிச்சை எடுப்பவர்கள் சாலையோரங்களிலோ, கோவில்களிலோ அல்லது வேறு இடங்களிலோ பிச்சை எடுப்பார்கள். மக்கள் கொடுக்கும் பணத்தில் தங்கள் தேவைகளை பூர்த்தி செய்கின்றனர். ஆனால் மத்தியப் பிரதேசத்தில் உள்ள இந்தூர் நகரில் இனிமேல் அப்படிப்பட்ட நிலை இருக்காது. இந்தூரை பிச்சைக்காரர்கள் இல்லாத நகரமாக மாற்ற நடவடிக்கை எடுக்கப்பட்டு வருகிறது. இதன் ஒரு பகுதியாக மாவட்ட அதிகாரிகள் பிச்சை எடுக்க தடை விதித்துள்ளனர். மேலும், பிச்சை எடுப்பவர்களுக்கு யாராவது உதவி செய்தால் கடும் நடவடிக்கை எடுக்கப்படும் என எச்சரித்துள்ளனர்.

இந்த விதிகள் ஜனவரி 1, 2025 முதல் அமல்படுத்தப்படும் என்று தெரிவிக்கப்பட்டுள்ளது. பிச்சை எடுப்பவர்களைக் கண்டால், அவர்களுக்கு உதவ வேண்டாம், அவர்களை மறுவாழ்வு மையங்களுக்கு அனுப்புங்கள் என இந்தூர் கலெக்டர் ஆஷிஷ் சிங் இந்த விஷயங்களை தெரிவித்துள்ளார்.

இதற்கிடையில், மத்திய சமூக நீதி மற்றும் அதிகாரமளித்தல் அமைச்சகம் நாட்டின் 10 நகரங்களில் பிச்சைக்காரர்கள் இல்லாத நகரத்தை உருவாக்கும் நோக்கத்துடன் ஒரு முன்னோடித் திட்டத்தை மேற்கொண்டுள்ளது. டெல்லி, பெங்களூர், ஹைதராபாத், சென்னை மற்றும் பல நகரங்கள் இந்த பட்டியலில் உள்ளன. இதன் ஒரு கட்டமாக இந்தூர் அதிகாரிகள் பிச்சை எடுப்பவர்களை தடுக்கும் நடவடிக்கைகளில் கவனம் செலுத்தியுள்ளனர்.