ஏர் இந்தியா பயணிகளுக்கு மதுபானம் வழங்குவதில் திருத்தங்கள்!!

ஒரே வாரத்தில் இரண்டு முறை அபராதம் விதிக்கப்பட்ட ஏர் இந்தியா நிறுவனம் ஒரு முக்கிய முடிவை எடுத்துள்ளது. விமானத்தில் சில பயணிகளின் கட்டுக்கடங்காமல் நடந்துகொண்ட சில சம்பவங்களுக்கு மத்தியில், ஏர் இந்தியா விமானத்தில் மதுபான சேவைக் கொள்கையைத் திருத்தியுள்ளது.

திருத்தத்தின்படி, பயணிகளில் யாரேனும் ஒரு குறிப்பிட்ட அளவுக்கு மேல் மது அருந்தினால், அவர்களுக்கு மேலும் சேவை செய்ய மறுக்கலாம் என ஊழியர்களுக்கு அறிவுறுத்தியுள்ளது.

ஏர் இந்தியா நிறுவனம் மதுபானம் தொடர்பாக ஜனவரி 19ஆம் தேதி சில திருத்தங்களைச் செய்தது. இதன்படி, பயணிகள் மதுபானம் தருமாறு கேட்கும் போது அவர்களிடம் மரியாதையுடன் நடந்து கொள்ளுமாறு ஊழியர்களுக்கு அறிவுறுத்தப்பட்டுள்ளது. இவர்களை குடிகாரர்கள் என்று அழைப்பது, தகராறு செய்வது, சத்தமாக பேசுவது கூடாது என தெளிவுபடுத்தப்பட்டுள்ளது. இதற்கு மேலதிகமாக, மதுபானம் மற்றும் மதுபானம் கொண்டு வரும் பயணிகளை அடையாளம் காணும் பொறுப்பு ஊழியர்களின் கடமையாகும் என சுட்டிக்காட்டியுள்ளது.