நாட்டின் இரண்டாவது பெரிய பயணிகள் வாகன தயாரிப்பு நிறுவனமான ஹூண்டாய் இந்தியா தனது ஸ்போர்ட்ஸ் யூட்டிலிட்டி வாகன (எஸ்யூவி) மாடலான அல்கஸரை அறிமுகப்படுத்தியது.
1.5 டர்போ ஜிடிஐ பெட்ரோல் எஞ்சினுடன் வெளியிடப்பட்ட இந்த காரின் விலை ரூ. 16.74 லட்சத்திலிருந்து ரூ. 20.25 லட்சம் (எக்ஸ்-ஷோரூம்-டெல்லி) என நிறுவனம் தெரிவித்துள்ளது.
- Advertisement -
Alcazar மாடலுக்கு இந்திய சந்தையில் அதிக கிராக்கி உள்ளது, மேலும் புதிய எஞ்சின் ஆப்ஷன்களில் கார் கிடைப்பது அதன் விற்பனையை மேலும் அதிகரிக்கும் என்று நிறுவனம் நம்புகிறது.
இந்த கார் 6-ஸ்பீடு மேனுவல் மற்றும் 7-ஸ்பீடு ஆட்டோமேட்டிக் டிரான்ஸ்மிஷன்களுடன் கிடைக்கும், முன்பதிவுகள் ஏற்கனவே தொடங்கப்பட்டு, இந்த மாத இறுதியில் இருந்து வாடிக்கையாளர்களுக்கு டெலிவரி செய்யப்படும். புதிய Alcazar அடிப்படை பதிப்பின் விலை ரூ. 65 ஆயிரம் அதிகம். புதிய மாடலில் ஆறு ஏர்பேக்குகள் மற்றும் இதர பாதுகாப்பு அம்சங்கள் சேர்க்கப்பட்டுள்ளதால் என்ட்ரி லெவல் வேரியண்டின் விலை உயர்ந்துள்ளதாக நிறுவனம் விளக்கமளித்துள்ளது.
- Advertisement -
மேலும், எலக்ட்ரானிக் ஸ்டெபிலிட்டி கண்ட்ரோல், டயர் பிரஷர் மானிட்டரிங் சிஸ்டம், 360 டிகிரி கேமரா, பிளைண்ட் ஸ்பாட் மானிட்டர், நான்கு சக்கர டிஸ்க் பிரேக் போன்ற அம்சங்கள் பயனர்களின் பாதுகாப்பை பாதுகாக்கும் என நிறுவனம் தெரிவித்துள்ளது. ஏற்கனவே சந்தையில் உள்ள எம்ஜி ஹெக்டர் பிளஸ், டாடா சஃபாரி மற்றும் டொயோட்டா இன்னோவா ஹிக்ராஸ் மாடல்களுடன் இந்த மாடல் போட்டியிடும் என தொழில்துறை வட்டாரங்கள் தெரிவிக்கின்றன.
