சபரிமலையில் 30 நாட்களில் சுமார் 20 லட்சம் பக்தர்கள் தரிசனம்: தேவசம்போர்டு தகவல்!

சபரிமலையில் கடந்த 30 நாட்களில் சுமார் 20 லட்சம் பக்தர்கள் சாமி தரிசனம் செய்துள்ளதாக தேவசம்போர்டு அறிவித்துள்ளது.

சபரிமலை கோயில் நடை கடந்த நவம்பர் 16-ம் தேதி திறக்கப்பட்டு, 17-ம் தேதி முதல் பக்தர்கள் ஐயப்பனை தரிசனம் செய்து வருகின்றனர். வார நாட்களிலும், அதைக்காட்டிலும் வார இறுதி நாட்களிலும் பக்தர்களின் எண்ணிக்கை தொடர்ந்து அதிகரித்து வருகிறது.

இதனிடையே சபரிமலை தரிசனத்திற்கு இணையதளத்தில் 21 லட்சத்து 71 ஆயிரத்து 452 பேர் முன்பதிவு செய்திருந்த நிலையில், தற்போதுவரை 19 லட்சத்து 38 ஆயிரத்து 452 பேர் தரிசனம் செய்துள்ளதாக தேவசம்போர்டு தெரிவித்துள்ளது.