கேரளாவில் எலி காய்ச்சலுக்கு 121 பேர் பலி..!

கேரள மாநிலத்தில் இந்த ஆண்டு தொடக்கத்தில் இருந்து (ஜனவரி முதல்) தற்போது வரை எலி காய்ச்சலுக்கு 121 பேர் உயிரிழந்துள்ளனர். மேலும் 1,936 பேர் எலி காய்ச்சலால் பாதிக்கப்பட்டுள்ளனர். அவர்கள் பல்வேறு மருத்துவமனைகளில் சிகிச்சை பெற்று வருகின்றனர்.

கேரள மாநிலத்தில் கடந்த 2022-ம் ஆண்டு 93 பேரும், 2023-ல் 103 பேரும் எலி காய்ச்சலால் உயிரிழந்துள்ளனர். ஆனால் இந்த ஆண்டு 8 மாதங்களில் 121 பேர் உயிரிழந்துள்ளனர். இந்த மாதத்தில் மட்டும் எலி காய்ச்சலுக்கு 24 பேர் உயிரிழந்துள்ளனர்.

எலி காய்ச்சல் பாதிப்பு மற்றும் இறப்பு எண்ணிக்கை அதிகரித்து வருவதால், பொதுமக்கள் விழிப்புடனும், எச்சரிக்கையுடனும் இருக்குமாறு மாநில சுகாதாரத்துறை அறிவுறுத்தியுள்ளது.