இந்தியா

தீபாவளி பணம், முதியோர் பென்ஷன் பெற ‘இது’ கட்டாயம் – ஆளுநர் தமிழிசை சௌந்தரராஜன் அறிவிப்பு!!

புதுச்சேரியில் கொரோனா தடுப்பூசி செலுத்திக் கொண்டால் மட்டுமே அரசின் சலுகைகள் அனைத்தும் கிடைக்கும் என்று துணைநிலை ஆளுநர் தமிழிசை சௌந்தரராஜன் அவர்கள் தெரிவித்துள்ளார்.

புதுச்சேரியில் கொரோனா இரண்டாம் அலையை தடுக்க அரசு பல்வேறு நோய் தடுப்பு பணிகளை மேற்கொண்டு வருகிறது. சுகாதாரத்துறையின் அறிவுறுத்தலின் பேரில் ஊரடங்கு விதிக்கப்பட்டு மக்களுக்கு பல கட்டுப்பாடுகள் அறிவிக்கப்பட்டது. அத்தியாவசிய கடைகள் இயங்கவும் நேர கட்டுப்பாடுகள் விதிக்கப்பட்டது. மேலும் கொரோனா வைரஸ் தொற்றுக்கு எதிராக 18 வயதுக்கு மேற்பட்டவர்களுக்கு கொரோனா தடுப்பூசி செலுத்தப்பட்டது. இதன் விளைவாக வைரஸ் பரவல் குறைந்து வந்தது. அதனால் தடுப்பூசி செலுத்தும் பணிகள் விரைவுபடுத்தப்பட்டு வருகிறது.

அரசு மக்கள் குடியிருப்பு பகுதிகளில் தடுப்பூசி முகாம்களை அமைத்து தடுப்பூசிகளை செலுத்தி வருகிறது. தடுப்பூசிகள் கொரோனா உயிர்க்கொல்லி நோயிலிருந்து நம்மை காக்கும் பேராயுதமாக உள்ளது. அதனால் அலட்சியம் காட்டாமல் தடுப்பூசிகளை செலுத்த அரசு அறிவுறுத்தி வருகிறது. மேலும் தடுப்பூசிகளை செலுத்த மக்களை தூண்டும் வகையில் புதுச்சேரியில் செலுத்தி கொண்டவர்களுக்கு மட்டுமே அரசின் சலுகைகள் வழங்கப்படும் என்று துணைநிலை ஆளுநர் தமிழிசை சௌந்தரராஜன் தெரிவித்துள்ளார்.

முதியோர் மற்றும் விதவைகள் உதவித்தொகை பெற வேண்டும் என்றால் அவர்கள் கட்டாயம் தடுப்பூசி செலுத்தியிருக்க வேண்டும். தீபாவளிக்கு அரசு சலுகைகள் அறிவித்தல் அதை பெறுவதற்கு தடுப்பூசி செலுத்தியிருப்பது கட்டாயம் என்று உத்தரவிட்டுள்ளார். புதுச்சேரியில் 15 நாட்களுக்குள் 100% செலுத்தி கொள்ள தீவிர நடவடிக்கை எடுத்து வருவதாகவும், வீடு வீடாக சென்று கொரோனா தடுப்பூசி செலுத்தி கொண்டவர்களை கணக்கெடுக்கும் பணிகள் நடைபெறும் என்று துணைநிலை ஆளுநர் தெரிவித்துள்ளார்.


உடனுக்குடன் அண்மைச் செய்திகளை தெரிந்து கொள்ள உடனே கீழே கொடுக்கப்பட்டுள்ள லிங்கை கிளிக் செய்து பின் தொடருங்க...
Google News - https://bit.ly/3BonVzx
Facebook - https://bit.ly/3iGDsUb
Twitter - https://bit.ly/3v42Kkh

இதையும் படிங்க:  கட்டாய மதமாற்றத் தடைச்சட்டம்; கர்நாடக முதல்வர் தகவல்!
Back to top button
error: