என்னதான் விதவிதமாக மட்டன் சாப்பிட்டாலும், விருதுநகர் மட்டன் சாப்பாட்டுக்கு என்று தனி சுவை உண்டு. இப்போது விருதுநகர் மட்டன் சாப்பிட வேண்டுமென்றால் ஹோட்டலுக்கு போக வேண்டிய அவசியமில்லை. உங்களுடையே வீட்டிலேயே அசால்ட்டாக சமைக்கலாம். சுவையான விருதுநகர் மட்டன் சுக்கா எப்படி செய்வது என்பதை பார்க்கலாம்!
தேவையானவை:
எலும்பில்லாத மட்டன் – 200 கிராம்,
சின்னவெங்காயம் – 200 கிராம்,
இஞ்சி, பூண்டு – தலா 30 கிராம்,
சீரகத்தூள் – 40 கிராம்,
மிளகாய்த்தூள் – 20 கிராம்,
நல்லெண்ணெய் – 30 மில்லி, கொத்தமல்லித்தழை, கறிவேப்பிலை – சிறிதளவு,
காய்ந்த மிளகாய் – 2,
உப்பு – தேவையான அளவு
வெங்காயத்தையும், மட்டனையும் சின்னச்சின்ன துண்டுகளாக வெட்டிக் கொள்ளவும். ஒரு கடாயில் எண்ணெய் ஊற்றி சூடான பிறகு, கிள்ளிய காய்ந்த மிளகாய், கறிவேப்பிலை, வெங்காயம் போட்டுத் தாளித்து, இஞ்சி, பூண்டு சேர்த்து வதக்கவும்.
வெங்காயம், பொன்னிறமாக வதங்கியவுடன் ஆட்டுக்கறியையும், மிளகாய்த்தூளையும் சேர்த்து வதக்கி, சிறிதளவு தண்ணீர் சேர்த்து நன்றாக வேகவைக்கவும். நன்றாக வெந்ததும் சீரகத்தூளை தூவி, உப்பு சேர்த்து கலக்கி, கொத்தமல்லித்தழையால் அலங்கரிக்கவும்.
Leave a Comment