தமிழ்நாடு

தனியார் பள்ளிகளில் ஆங்கில வழி வகுப்புகளுக்கு அனுமதி – CEO க்களுக்கு அதிகாரம்!!

தமிழகத்தில் தனியார் பள்ளிகளில் ஆங்கில வழி வகுப்புகளைத் தொடங்குவதற்கான அனுமதி அளிக்கும் அதிகாரம் முதன்மைக் கல்வி அலுவலர்களுக்கு வழங்கப்பட்டுள்ளது. மேலும் இது குறித்து பள்ளிக்கல்வித்துறை ஆணையர் சுற்றறிக்கை அனுப்பியுள்ளார்.

தமிழகத்தில் திமுக தலைமையிலான அரசு கல்வி துறையில் புதிய மாற்றங்களை ஏற்படுத்தி வருகிறது. அரசின் முயற்சியால் நடப்பு ஆண்டு அரசு பள்ளிகளில் மாணவர்கள் சேர்க்கை அதிகரித்துள்ளது. மேலும் அரசு பள்ளி மாணவர்களின் நலனுக்கு தேவையான நல திட்டங்களும் அறிவிக்கப்பட்டுள்ளது.

இந்த நிலையில் பள்ளிக் கல்வித்துறையின் கீழ் செயல்படும், அரசு நிதியுதவி மற்றும் தனியார் உயர்நிலை மற்றும் மேல்நிலைப் பள்ளிகளில், 6 முதல் 10 ம் வகுப்புகள் வரை, ஆங்கில வழிப் பாடப்பிரிவைத் தொடங்கக் கருத்துருக்கள் பெறப்பட்டன. இதனையடுத்து தனியார் பள்ளிகளில் ஆங்கில வழி வகுப்புகளை தொடங்குவதற்கான அனுமதி அளிக்கும் அதிகாரம் முதன்மைக் கல்வி அலுவலர்களுக்கு இயக்குநரகத்தால் வழங்கப்படுகிறது.

சில அதிகாரப் பகிர்வுகள் அளிக்கப்படும். அதாவது, தங்கள் மாவட்டங்களில் செயல்படும் அரசு நிதியுதவி மற்றும் தனியார் பள்ளிகளில், 6 முதல் 10-ம் வகுப்பு வரை ஆங்கில வழி வகுப்புகளைத் தொடங்க, அனைத்து நிபந்தனைகளும் சரியாக உள்ளதா என்பதைப் பரிசீலித்து, மாவட்ட முதன்மைக் கல்வி அலுவலர் அனுமதி வழங்கலாம் என்று பள்ளிக்கல்வித்துறை சுற்றறிக்கை மூலம் தெரிவித்துள்ளது.


உடனுக்குடன் அண்மைச் செய்திகளை தெரிந்து கொள்ள உடனே கீழே கொடுக்கப்பட்டுள்ள லிங்கை கிளிக் செய்து பின் தொடருங்க...
Google News - https://bit.ly/3BonVzx
Facebook - https://bit.ly/3iGDsUb
Twitter - https://bit.ly/3v42Kkh

இதையும் படிங்க:  செப்டம்பர் 6 வரை முழு ஊரடங்கு நீட்டிப்பு – திங்கள் முதல் தளர்வுகள் அமல்!!
Back to top button
error: