சமையலறையில் உள்ள முக்கிய பொருட்களில் கொத்தமல்லியும் ஒன்று. சமையலுக்கு சுவை தரும் கொத்தமல்லி ஆரோக்கியத்திற்கும் மிகவும் நல்லது என்கின்றனர் நிபுணர்கள். ஆனால் கொத்தமல்லியை தண்ணீரில் ஊறவைத்து அந்த தண்ணீரை குடிப்பதால் பல நன்மைகள் கிடைக்கும் என்பது தெரியுமா.? கொத்தமல்லி விதைகளை இரவில் தண்ணீரில் ஊறவைத்து, காலையில் அந்த தண்ணீரை குடிப்பதால் கிடைக்கும் நன்மைகளை இப்போது பார்க்கலாம்.
நன்மைகள்:-
இரவு முழுவதும் ஊறவைத்த கொத்தமல்லி நீரை காலையில் குடிப்பதால் ரத்த அழுத்தத்தைக் கட்டுப்படுத்தலாம் என்கின்றனர் நிபுணர்கள். இதில் பொட்டாசியம் நிறைந்துள்ளதால் இரத்த அழுத்தத்தைக் கட்டுப்படுத்தும்.
தைராய்டு பிரச்சனை உள்ளவர்களுக்கு கொத்தமல்லி தண்ணீர் மிகவும் பயனுள்ளதாக இருக்கும் என்கின்றனர் நிபுணர்கள். கொத்தமல்லி விதையில் தைராய்டு பிரச்சனையை கட்டுப்படுத்தும் ஆன்டி-ஆக்ஸிடன்ட்கள் நிறைந்துள்ளன.
பெண்களுக்கு மாதவிடாய் காலத்தில் ஏற்படும் பிரச்சனைகளை சரி செய்ய கொத்தமல்லி தண்ணீர் பயனுள்ளதாக இருக்கும் என்கின்றனர் நிபுணர்கள். இந்த நேரத்தில் வலியைக் குறைக்கிறது. தினமும் காலையில் வெறும் வயிற்றில் குடித்து வந்தால், பலன் கிடைக்கும்.
உடல் எடையைக் குறைக்க விரும்புபவர்கள் தினமும் கொத்தமல்லித் தண்ணீரை அருந்த வேண்டும் என்று நிபுணர்கள் பரிந்துரைக்கின்றனர். இவற்றில் உள்ள ஆன்டிஆக்ஸிடன்ட்கள் மற்றும் வைட்டமின்கள் காரணமாக, எடை கட்டுப்படுத்தப்படுகிறது. இதன் அழற்சி எதிர்ப்பு பண்புகள் காரணமாக, வயிறு வீக்கம் தொடர்பான பிரச்சனைகள் தவிர்க்கப்படும்.
தோல் சம்பந்தமான பிரச்சனைகளை நீக்கவும் கொத்தமல்லி தண்ணீர் பயனுள்ளதாக இருக்கும். இதில் உள்ள வைட்டமின்கள் மற்றும் ஆன்டி-ஆக்ஸிடன்ட்கள் சரும பராமரிப்புக்கு சிறந்தது. இந்த தண்ணீரை எடுத்துக் கொள்வதால் சருமம் ஆரோக்கியமாகவும், பளபளப்பாகவும் இருக்கும். பருக்களும் குறையும்.
கொத்தமல்லி தண்ணீரும் செரிமான பிரச்சனைகளை நீக்குவதில் நன்றாக வேலை செய்கிறது. இந்த தண்ணீரை தினமும் குடித்து வந்தால் செரிமானம் மேம்படும். மலச்சிக்கல், வாய்வு போன்ற பிரச்சனைகளை நீக்குகிறது.
