தற்போது வேலை வாய்ப்புக்கு போட்டி அதிகமாக உள்ளது. நல்ல சம்பளத்துடன் கூடிய வேலைகள் வேண்டுமானால், கல்வித் தகுதியுடன் கூடுதல் திறன்களையும் பெற்றிருக்க வேண்டும். போட்டித் தேர்வுகள் மற்றும் நேர்முகத் தேர்வுகளில் தனித் திறமையை வெளிப்படுத்த வேண்டும். நீங்களும் அரசு வேலையைத் தேடுகிறீர்களானால், இந்த வாய்ப்பைத் தவறவிடாதீர்கள். ரயில்வேயில் 14,298 டெக்னீஷியன் பணியிடங்களை நிரப்புவதற்கான அறிவிப்பு வெளியிடப்பட்டுள்ளது. இந்த வேலைகள் கிடைத்தால் வாழ்க்கையில் செட் ஆகலாம்.
சமீபத்தில், ரயில்வே துறை வேலையில்லாதவர்களுக்கு நற்செய்தியை வழங்கியுள்ளது. பல்வேறு ரயில்வே மண்டலங்களில் உள்ள 14,298 டெக்னீஷியன் பணியிடங்களை நிரப்புவதற்கான அறிவிப்பு வெளியிடப்பட்டுள்ளது.
இருப்பினும், முந்தைய அறிவிப்பில் 9,144 காலியிடங்கள் இருந்த நிலையில், தற்போது மேலும் பணியிடங்கள் அதிகரிக்கப்பட்டு மொத்தம் 14,298 பணியிடங்கள் ரயில்வே துறையால் நிரப்பப்படும்.
விண்ணப்பதாரர்கள் பத்தாம் வகுப்பு உடன் தொடர்புடைய டிரேடில் ITI தேர்ச்சி பெற்றிருக்க வேண்டும். B.Sc, BE, B.Tech தேர்ச்சி பெற்றவர்களும் விண்ணப்பிக்கலாம்.
பதவிகளின்படி விண்ணப்பதாரர்கள் 18-36 வயதுக்குள் இருக்க வேண்டும். எஸ்சி மற்றும் எஸ்டி பிரிவினருக்கு 5 ஆண்டுகளும், ஓபிசி மற்றும் மாற்றுத்திறனாளிகளுக்கு 10-15 ஆண்டுகளும் வயது தளர்வு அளிக்கப்படும்.
கணினி அடிப்படையிலான திறனாய்வுத் தேர்வு, ஆவணச் சரிபார்ப்பு மற்றும் மருத்துவத் சோதனை ஆகியவற்றின் அடிப்படையில் இந்தப் பணிகளுக்கு விண்ணப்பதாரர்கள் தேர்வு செய்யப்படுவார்கள்.
டெக்னீசியன் கிரேடு-I சிக்னல் பதவிகளுக்கு மாதம் ரூ.29,200. டெக்னீசியன் கிரேடு-III பதவிகளுக்கு ஆரம்ப ஊதியம் ரூ.19,900. எஸ்சி, எஸ்டி, முன்னாள் ராணுவத்தினர், பெண்கள், திருநங்கைகள், சிறுபான்மையினர், இபிசி பிரிவினருக்கு விண்ணப்பக் கட்டணம் ரூ.250, மற்ற பிரிவினர் ரூ.500 செலுத்த வேண்டும். தகுதியும் விருப்பமும் உள்ள விண்ணப்பதாரர்கள் அக்டோபர் 16 வரை ஆன்லைனில் விண்ணப்பிக்கலாம்.
விண்ணப்பிக்க: https://www.rrbapply.gov.in/
